مشاريع و أفكار
 
islam
3 ش
 
 

السلام عليكم وصحا عيدكم
مع اقتراب الدخول المدرسي راح نتكلم على بيع الادوات المدرسية في الشارع وفي الاسواق طرق نصائح على حسب تجرتى لعدة سنواتاولا لازم تعرف بلى مكاش ميزانية محددة يعنى قادر باى مبلغ تخدم من مليون او اقل بقليل واطلع وهادى ت اقل بقليل مبعد نحكى عليها واش نقصدالمهم مشروع مليح لزيادة راس المال او باش دير راس مال كى تخدم ب 10 ملايين الفايدة تاعك ممكن توصل حتى ل 6 وكى تخدم ب 20 ألى30 مليون قادر تجيب مابين 14 و25 مليون وكى ت خدم ب 100 قادر تجيب حتى 60 مليون فايدة يعنى مشروع مليح والمدة ت العمل حوالى 15الى 18 يوم اسبوع قبل ادخول واسبوع بعده
اماكن البيع تلات والوقت من 7 ت صباح لل 22 ت ليل
1️⃣◀️جيرانك تفاهم معاهم وخبرهم قبل باش يرسلولوك قوائم الادوات "" هنا الكريدي راه فاها اصبر عليهم برك ""◀️◀️دير طابلة امام المدرسة الابتدائية او المتوسطة وبدرجة اقل التانوية وفى العشية في الشارع الرئسي في حومتك ولا البلاصة لى فاها حركة كبيرة◀️◀️الاسواق الاسبوعية هاذى لازم تقرعج على جميع الاسواق لى راها قريبة ليك "" انا مرات كنت نشقى للاسواق بعيدة عليا ب 90 كلم شوف واحد من معرافك جارك ..... عندو كاميون ت خضرة او هاربين وتبعو السوق لى روحلو روح معاه واعطيه حقو اذا طلب الاغلبية يهزوك باطل◀️◀️فى السوق صح كل واحد وبلاصتو بصح نتا تانى لازم تكون شاطر دير طابلة فى الخرجة ت السوق او في كاش بلاصة منعزلة معليش مرات تلقا مكان استراتيجي مولاه غايب نهار هذاك قادر تحكمها البلاصة عادى ولا السيد لى تروح معاه هوا يدريلك طريق المهم ازدم متخافش متخافش◀️◀️العياط والتبراح هاذى لا نقاش فيها لازم تعيط اذا تبقا ساكت الالوان المائية هاذوك تكمل لرمضان ونتا تلعب بيهمالكليون كاين اباء وامهات يحبو يشرو كل شى وبزبادة في اول العام ميشوفش كامل للقائمة ت الاستاذ لازم عليك هنا تعرف كيفاه متخليهش يروح للمنافسين تاعك و ديرلهم سومة◀️◀️كاين البعض لازم تسقسيه وليدك واش يقرا يقلك في الليسي ايا في الليسي لازملو كرراس 288 اقل شى 4 .وهكذا لازم تسقسي وتفكرو وتوريلو السلعة وتدى وتجيب معاه وتقنعو خاطر ناس بزاف تنسى◀️◀️نروحو دوكا لاهم عنصر الطابلة تاعك لازم تعمرها بسبونج بوب وماريا وHello Kitty هاذو تلقاهم بوستار اوفي اغلفة كرارس ت 32 ص هاذو ديرهم لجذب الاطفال خاصة وفتيات ت متوسط والابتدائي يحبو يزينو كرساتهم مليح ركزلى على حاجة لازم كيجيك كليون على عفسة ديما تفكرو في عسفة اخرى◀️◀️الطابلة اخدمها حتى بالكرطون ت الكراس او كراطن البانان ونظم سلعتك السلعة الخفيفة والرقيقة ديما ديراها قريبة ليك لانها سهلة السرقة والكرسات الكبيرة ديرها في المقدمة وهكذ..... واشري باش شفاف لقدر الله وصبت المطردوك نكمل جزء تانى حول السلع الاسعار والماركات وغير ذلك ربي يوفقكم

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]