مشاريع و أفكار
 
islam
2 أس
 
 

السلام عليكم خاوتي نتمنى تكونوا بصحة جيدة . رايح بالمختصر نمدلك مشروع تقني و شوفوا نتوما ادا يخرجكم و لا لا وفالاخير نحكيلكم تجربتي فيه . مادام رانا فطفرة الكترونية وين الناس كامل ولات فالانترنت ووين رانا قراب للانتخابات و رايح يجي رئيس جديد و مانيش نهدر سياسيا - رغم انو مجال دراستي - لكن احتمالية كبيرة انو بعدها رايح الدفع الالكتروني يتوسع بشكل كبير فالجزائر لحل بعض المشكلات المالية و منها رايحا تفتح ابواب كبيرة جدا . المهم مادام هاكا رايحا الناس تحوس تخدم سيت ليها . يعني اي شركة ناشئة و لا محل شويا كبير و لا مطعم و لا مصنع رايح يحوس يتوسع في الانترنت لانو فيه عدد كبير من الناس و سهل توصلهم . هنا الدور تاعك يجي نتا ... كاين 2 مشاريع هما . اما تحل اجونس تاع تصميم مواقع و برمجة و تمدهالهم واجدة بكل شيء يعني السيد يمدلك الفكرة و نتا تخدمله الموقع و تصممو و تبرمجو و تشريله الاسضافة و الدومين و كلشي و مين داك تزيدله السوبورت بمعنى كي يكون عندو مشكلة في الموقع تريقلهولو . شوف زوج و لا ثلاثة من جماعة قروب 1001 بروقراماصيون و ديرو 6 ف 7 و اتعاونو و ديرو انونص كبيرة و اتكلو على ربي . المشروع الثاني يحتاج دراهم و مايجتاجش . انك تحل شركة تاع سيرفرات اما تشري نتا المعدات و كلشي و هدا امر صعيب و غالي و فيه قلبان راص لازملك وراقي بزاف و لازملك وين تحط السيرفرات و لازم تبريد و لازم انترنت خفيفة و لازم تكون صح تفهم و لازم تشري المعدات غالية مع دلك مشروع مليح . و الثاني انك تلعب دور وسيط بمعنى انك كي واحد يحتاج سيرفر نتا تشرييهولو على اساس انك نتا هو مولاه و نتا تبيع رغم انك مجرد وسيط و هو يخلصك سي سي بي و هنا تحله المشكلة تاع ماعندوش كيفاه يشريه من الخارج و من جهة اخرى تربح هاد السوق راه ناقص لدرجة تضحك يعني اي واحد يدخل فيه يدير دراهم . سوق الجزائر فتي و سهلتجربي خاوتي
خدمت معا اجونس تاع تصميم و برمجة مواقع صدقوني فيها ربح ماتامنش تعاملنا معا 280 عميل بالتحديد دخلنا قريب مليار مالقري نورمالمون مانهدرش بالربح مي باش تديو نظرة (للعلم انا مجرد عامل مانيش مول الشي هههههههه تقولو السيد مرفه دانا غلباااان ) اما السعر فالموقع يبدا من مليون حتى 12 مليون ومرات اكثر و سهل جدا تخدمه وزيد العملاء فالجزائر مايتشرطوش يجي يقولك خصني سيت للمطعم تاعي تقوله وش هو الكونسابت ? يقولك يا ودي اخطي راصي اخدملي واحد برك المهم فيه تصاور و اسمي و يكون سامبل . نتا فظرف 5 ساعات تخدمه كنا حنا في 4 . حتى اننا وصلنا نخدمو بالزيادة و كي يجي واحد يحتاج موقع نموديفيوه برك و نمدوهولو تم تم .

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]