مشاريع و أفكار
 
islam
2 أس
 
 

السلام عليكم فردا فردا ..البيع .. ليس بالامر السهل! و لكن ايضا هو الامر السهل! عملية معقدة.التجارة مبدئها تشري و تبيع .. لكن كيفاش تبيع؟عندما تبيع سلعة ما .. مهنا كانت حاول تكون محل الزبون .. أطرح سؤال : علاش نشري هذا المنتوج؟ و واش يخليني نقتانع نشريه؟منه ستطرح عدة تساؤلات، هل اشتريه لاني مسحقه؟ ولا عجبني برك؟ ضروري؟ غير ضروري! و كي تقنع روحك تشريه لاي سبب ثم تعرف علاش تشريه .. طبق هذا على زبونك!السلع كلها متشابهة منطقيا، النواظر نواظر! التقاشر تقاشر، لكن حاول ادخال العاطفة لزبونك حول منتوج ما!الزبون يرتاح نفسيا مع طريقة حديثك، حركاتك، و طريقة تعاملك!خلي الزبون يدور براحته، يشوف براحته، يستطلع المحل قبل ان يبدأ بالحديث.كي تشوفه مركز على منتوج ما و يشوف و يقلب مليح اعرف بلي 60% هذاك واش حابخليه براحته مدام ما سقساش! و اذا شاف منتوج مشابه لذلك ثم اعرف كيفاش تعاملوا!بضرافة و ضحكة قوله بلي هناك منتوج افضل مما رآه، و نوعية او جودة افضل.تقنيا يقولك وين راه؟ثم تحرك و كن نشيطا و لكن دون الاضافة عليها، بروبوزي له السلع، و تذكر نتا علاش لازم تشريه! احكي له بالتفصيل الممل لكن دون ان تكذب حول المنتوج.وري له الانواع .. و نتا خير له منتوج على ذوقك! هو اوتوماتكيا يسيي او يتاستي و تخلق عنده كيريوزيتي ( تلف لي اسمها بالعربية)اعطي له رأيك بكل صراحة، شخصيا مثال وين يصرا لي هك موقف، يخير مثلا نواظر و اذا ما جاوش نقوله لا خو و لا ختي اخطيك ما خرجوش عليك، و تزداد ثقته بك!اعطي قيمة لسلعتك! و اعطي معلومات صحيحة و دقيقة عليها!الناس تشتري لاسباب عديدة، بالحاجة، شافها عند آخر، يحب يشري برك، سخفة، كانت في قلبه، .. الخ من الاسباب و كل هذه الاسباب داخلة فيها عاطفة بطريقة ما، او من زاوية اخرى و لكل سبب عاطفة لها.المهم و الأهم، حاول الابتعاد عن طرق البيع المبتذلة ( مثلا تقول مخدومة ليك، سبحان الله زادت فيك النص ... الخ من طرق البيع القديمة القهوية حسب رأيي الشخصي )اخلق كوريوزيتي عند الزبون، خليه مرتاح، ما تخليهش يحس بلي قلقك كي راه يدور بركعمرك تقول هذا باين ما يشريش ( غالبا هذاك لي يشري و يفرحك)عمرك تقيم زبون حسب مظهره .. ممكن يجي بكومبينيزو لكن جيبه معمر.وفر جو لزبونك .. مثلا اذا مشغل موسيقى .. نقص كي يدخل .. اذا ما قال والو اعرف بلي عجبه الجاست و اذا قالك علاش نقصت و زيد له غنية عجبتني و لا كذا امور زيد لها.خلي الزبون دائما يخير بيده، يحس روحه حر.ربي يبارك لكم في رزقكم و ان شاء الله فهمتوت قصدي

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]