المشروع لي راح نحكيلك عليه كاين بزاف عندهم كاميو ولا فورقون و مالقاش واش يخدم بيه ولا الخدمة بيه قليلة اليوم راح نعطيك فكرة راح تخدمك و تخدم معاك 3 من الناس الفكرة الا و هي شركة ترحيل العائلات نفهم و نبسطلكانت عندك فورقون ولا زوج واش دير تفتح صفحة في الانترنت و ديرها اختصاص ترحيل الاثاث و العائلات و ديرلها سبونسور و تخدم كارت فيزيت و توزعهم على الناس مثلا انا راح نرحل من دار قديمة لدار جديدة نعيطلك نتفاهم معاك على السعر راح يكون من 2 حتى 3 ملاين كي تكون الرحلة قريبة و من ولاية لولاية طبعا راح تزيد السومة مثلا وانت دير كلش انا غير نوقف معاك بلاطاي فقط نتفاهمو الوقت ومنا انت تحيب معاك 3 ديجان ناشطين و تتفاهم معاهم ب 200 الف للواحد ايا تديهم و تلايم شوي كارتون وتروح لدار السيد تلايملو حوايجو كامل من الاثاث لماعن كلش كلش تخدمو انت و جناعتك تحطوه في الكاميو ولا الفورقون و تديوه للدار حديدة و هو غير يديريجكم وين تحطو الاثاث كي تكمل خدمتك تخلص و مع الوقت الناس تولي تتصل بيك و مع الوقت تولي عليك لاشارج تتفاهم مع واحد صاحبك عندو فورقو و تدي عمولتك بالراقدةعلابالي راني ناقص شوي في التعبير و طولت عليكم كالعادة لي عندو استفسار ولا مافهمش حاحة كومنتار نجاوبك البريفي ممنوعسلام
#منتديات_خليل_فكرة
