مشاريع و أفكار
 
islam
2019-08-08
 
 

الربح من الانترنت الدروبشيبينغ
رايحين نحكو على موضوع جديد اللي هو الدروب شيبينج وش هو الدروب شيبينج و كيفاش ندخل منو الدراهم و كلشي رايحين تصيبوه هنا و كي العادة فالاخير نحكيلكم تجربتي الشخصية و نعاود نقولها للمرة الالف خاوتي قادر نكون نيشان و قادر غالط رانا هنا نستفادو من بعضنا البعضباش تفهم الدروب شيبينج اسي محمد اتخيل حاجا ساهلة ماهلة مثلا كاين حانوت يبيع السوايع لوكان تروح نتا تشري عليه مباشرة من المحل تشريها بثمن مليون مي تخيل معاها هداك الحانوت بعيد عليك وش تدير !!! قادر واحد يشريلك الساعة و تخلصه و طبعا فيها زيادة . هدا هو الدروب شيبينج فالمفهوم البسيط ديالو كاين وسيط للسلعة تكون فالاول بثمن 10 دولار نتا تزيدلها نسبة و تبيعها للمشتري تقولي كيفاه ازطشي بالعقل مافهمنا والو ههههه راني نتخيل برك . نقولكم خاوتي ببساطة جدا نتا رايح تتعامل معا الاجانب مثلا تروج لموقع الي اكسرباس تلقى سلعة شابة تدير 5 دولار نتا تاخد الصور و الشرح تاع السلعة و تروح لموقع ايباي و تدير نفس السلعة و الصور و تدير الثمن تاعك اللي باغي تبيع بيه رغم انك ماتملكش السلعة لكن تلعب دور وسيط بين البائع و الشاري .ايا في حالة واحد بغا يشري السلعة يكونطاكطيك و يخلصك على اساس انو يشري منك مباشرة وللعلم تدير مدة الشحن فالوصف مثلا تقولهم السلعى تصلك في ظرف 20 يوم... نتا تاخد عنوان البيت تاعو و تشري من الموقع الاول باسمو و بعنوان البيت تاعو و المنتوج رايح يمشي ليه ديراكت . يعني هوا يشري عليك و نتا تشري من الموقع و تحولو السلعة ليه هو . الان نروحو كيفاش تختار السلعة المليحة ... فالحقيقة ماهيش سيونس ايكزاكت كاين مليون حاجة نجم انا نربح منها و نتا تخسر منها و العكس . مع دلك كاين بعض الامور قليل وين تخسر فيها اللي هما الامور التقنية كيما اردوينو و رازبيري باي و صوالح قايمر و مكبرات الصوت و مستلزمات التجميل و الكسوة الرخيصة ... هنا نتا وواش حاب تبيع الفرق الحقيقي هوا كيفاش تسوق للسلعة تاعك لانو حقيقة المنتوج غير مهم ادا كان عندك استراتيجية تسويق قوية تنجم تبيع التقاشر و تدخل دراهم . الاحسن انك تحل كونط انستقرام كون الاجانب يخدمو بيه كثر من الفيسبوك و تنشر السلعة تاعك فيه تقولي ماعنديش كونط كبير نقولك قادر تشري واحد واجد كبير مع دلك الحدر ثم الحدر لازم تدرس الحساب مليح من نوع الجمهور المستهدف و السن المستهدف و الاغلبية وش نسا و لا رجال ووش التوجه تاعهم و كل شي لانو عدد المشتركين غير مهم الجودة تاعهم هي المهمة ... من غير انستقرام كاين شان يوتيوب مثلا تدير مراجعات لامور تقنية و تدير الرابط فالوصف للناس باه تشري . و الاصعب لكن نشوفها الافضل انك تحل موقع متخصص جدا . مثلا موقع في مواد التجميل من ماركة واحدة فقط و تديرله المراجعات و تنشر فيه اسفل المنشور رابط السلعة تاعك . و لا قادر تدور الناس اللي عندها كونط انستقرام و لا شان يوتيوب توالم السلعة اللي راك تبيعها و تقولهم يديرولها اشهار و ينشرو الرابط تاعك بمقابل عادة يكون حوالي 20-40 اورو هنا نتا وقفازتك و كاين بزاف طرق...نحكيلكم تجربتي الخاصة ... كانت عندي شان يوتيوب في مجال الانمي ههههههه كي العادة نفس المجال تاع الموقع كنت داير مشروع كبير يا زطشي. كنت نخدم فيها و كنت فالوصف نديرلهم رابط تاع مجسمات الانمي اللي نهدرلهم عليه فالفيديو مثلا مراجعة انمي ديث نوت نكون فالوصف نشرتلهم رابط نفس المجسم من الانمي و كنت نتعامل معا الخليجين بحكم اللغة العربية و بحكم بنو عمامة مرفيين بزاف و يبدرو بزاف كل واحد عنده بير بترول فالدار ههههه . لكن الفرق بيني و بين الحالة السابقة اني كنت نشري جملة ماشي بالحبة. كنت نكري خدمة الدروبشيبينج اللي هيا منزل و لا مخزن عادة تكون شركة تدي معايا ربح و تخليني نسطوكي عنها السلعة و تكون قريبة من البلد اللي نستهدفو وفحالتي كان السطوك فالاردن بحكم انها قريبة من السعودية و الامارات و زيد الجمارك عندهم فرشة ههههههه فوت فوت ماكانش اللي يهدر... درك ولات صعيبة . المهم نرسل السطوك من موقع علي بابا نشري حوالي 100 مجسم بسعر 500 اورو + الشحن + سعر السطوك + صمن اعادة الارسال + تستقاملي حوالي 540 اورو . انا نبيع للحبة بحوالي 12 اورو نربح حوالي 600 دولار مجموعة و اي واحد يشري من السعودية ولا الامارات السطوك يرسلهم و يديو نسبة معايا.... رغم انو ماشي ضروري تدير هاد ليطاب يعني قادر مباشرة من الموقع للمشتري لكن انا ديرتها باه المشتري توصله السلعة بسرعة و يدير فيا الثقة و يتعامل معايا مرة ثانية و ثالثة ... فظرف 3-6 ايام كانت تكون عندهم السلعة

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]