مشاريع و أفكار
 
islam
2019-08-08
 
 

نحكيلكم كي العادة على مشروع قل من 5 ملاين يقدر اي واحد يديرو و راني جربتو من قبل للاستعمال الشخصي ماكنتش دايره للربح . رايح نفهمكم كامل جوانبه و كيفاش تدخل دراهم بيه و كيفاش تقدر تكبره .شوف خويا نقدرو نديروها احصائيات من 40 مليون جزايري رايح نديرو نسبة 0.05 برك من الناس يقراو رغم انو النسبة اكبر . المهم هاديك النسبة راهي 200الف شخص يقرا الكتب و الروايات و يطالع كل الكتب نقسموها على 48 ولاية راهي فوق 4000 شخص قادر يكون عميل تاعك . تقولي ايا و منبعد وش الفايدة !!! نقولك ادا كنت تقرا الكتب بزاف فالجزائر العميقة رايح تعرف 3 صوالح على هاد السوق1- غلاء الكتب المعروفة2- قلة العناوين المشهورة3-صعوبة ايجاد الكتاب المرغوبايا نفهمك واش كنت نعيش من قبل باش نلقا كتاب . نمدلك مثال . كتاب صورة دوريان قراي لأوسكار وايلد حوست عليه 16 مكتبة ههههههه صدق و لا اقعد و فاللخر مالقيتوش . واحد جابهولي خلصتو 3000 دج . تقولي نتا مريض تشري كتاب بهاديك السومة !!!! نقولك كاين بزاف ناس يشرو نورمال- طبعا اللي يفهم و يحب يقرا ماشي كامل الناس كيفكيف - . حتى حبست نشري من الجزائر وليت نشري عبر الانترنت ديراكت . المهم شوف خويا نمدلك صوالح لازم تعرفهم . لازم تعرف السوق روح للمكتبات و سقسي وش يتمشى رايح ديراكت يقولك كتب الدين و الطبخ و بعض الروايات البسيطة و بعض المفكرين هنا تفهم انو كاين حاجا غالطا ... علا هادي نقولك حل باجة و لا انستقرام تاع بيع و شراء الكتب لان هادوك الكتب تاع طبخ ليك نتا مافيهمش ربح الا ادا كنت مكتبة كبيرة اللي فيهم ربح هما الروايات المشهورة و اللي تدير البوز مثلا فيفتي شادز او قراي نهار خرجت دارت ضجة كبيرة وتباعت قدام عيني ب 4000 دج نتا تما تضرب ضربتك . المهم دير سونداج تعرف الناس وش تحب تقرا فولايتك و ادا تعرف ناس يحبو يقراو ابروبوزيلهم وش يحبو وواش هما الكتب اللي مالقاوهمش و جيبهملهم و رايح تشيع بالوقت . زيد ادخل فالقروبات تاع المطالعة و ادا لقيتهم يقراو لاحلام مستغانمي و لا يقولك انتيخريستوس اهرب اهرب و ماتشوفش موراك. نزيدلك علاش بيع الكتب سهل !! التوصيل تاعو سهل و التخزين كيفكيف و زيد مايفقدش القيمة تاعو و التنافس فالجزائر تقدر تقول معدوم و قليل - طبعا حسب الولايات و ماراناش نهدرو على الولايات الكبار كيما العاصمة ووهران رغم انو حتى هادو فيهم نقص كبير - و صدقني فيه دراهم و رايح نبرهنلك بالارقام دركاولا راني قلتلكم مشروع ب5 ملاين رغم انو قادربكون اقل بكثير و قادر اكثرشوف حل باجة فايسبوك و لا انستقرام و ديرلها سبونسور 40 اورو تقدك عادي راهي مليون سنتيمكملنا من جهة الاشهار نروحو لشراء الكتب . شوف كاين مواقع رايح نديرهم فالتعليقات يبيعو الكتب من سعر 4 دولار حتى 30 دولار . نتا روح ديراكت تاع 4 دولار اشري الكتب اللي تعرف انهم يتمشاو 4 دولار هيا 750 دج . المشكل مايرسلوش للجزائر تقدر تدير دروب شيبينج يعني تشري ادريس ترسل للجزائر و فيها التحويل و شكوبي تستقاملك 30 دولار للشهر و تزيد و تنقص . و الاسهل .... كامل عندنا فاميليا ففرنسا ارسلهم الكتب دبلاتكن ليهم و هما يرسلوهملك كابا - طبعا جيب كاش 40 كتاب ضربا وحدة - رايح يستقامولك جوايه 3.5 مليون و زيدلها حق التوصيل كاش مليون راهي 4.5 ملاين - للعلم راني زيدت فالارقام - ايا راهو عندك 40 كتاب و راك خسرت 5 ملاين لحد الانبمعنى لازم تبيع بسعر 1125 دينار للكتاب باش ترد دراهمك برك . نقولك بسهولة جدا تبيع ب سعر 2500 للكتاب خاصة الروايات الانجليزية و لازم تعرف تشري نقولو راك بيعتهم ب 1800 برك اسيدي 1800*40=7.2 مليون اخي الكريمراك فربح تاع 2.7 مليون بسهولة - نحيلها الليفراسيون تجيك صافيا 2 ملاين -هادي ادا بعت برك 40 كتاب فالشهر نعرف ناس راهم يبيعو حتى 100 برك فالجامعة الاوروبية في الجزائر - اللغات -المهم هاد الطريقة تقدر يطبقها راجل و لا مراة كبير و لا صغير عادي و بدل و عدل على حسابك نتا و اخطونا من جماعة الجزايريين مايقراوش و شكوبي كاين بزاف ناس تقرا و تشري برك ماباينينش .

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]