مشاريع و أفكار
 
islam
2019-08-08
 
 

اول حاجة نهدرو عليها هاد المجال ماهوش لكامل الناس لانو لازم تكون خبير فيه زيد ماراحش يجيك مئة شاري فاليوم قادر يجيك 5 - 7 لكن ربح تاع +20% فكل حاجة تبيعها و تاني ماراحش تحتاج سطوك كبير و الاهم السلعة ماتفسدش لكن يمكن تقدام في حالة ادا كان الشاري يفهم مليح يقولك هادي سيري 18 و انا خصني 19 . المجال هو بيع النظارات الشمسية مي مانيش نهدر على تاع 1500-3000 دج لالا اخي . نحكي على الاوريجينال .ايه تنجم تقولي هاد المجال تاع الصيف برك . لالا اخي كاين انواع بزاف فالنظارات كاين تاع الصيف صح و كاين خريف و ربيع و شتاء يعني اعرف نتا برك واش تجيب فالسلعة . طبعا كيما قتلك هاد المجال ماهوش لكامل الناس لازم تفهم فيه مليح. النقطة الاهم انو المحل تاعك مايكونش فمنطقة صغيرة . لا لسبب الا انو وين كاين الدراهم يتباعو هاد الامور الاضافية . النظارات الشمسية ماهيش امر اساسي وين يقدر اي واحد يشريهم ب 2 ملاين . زيد فالبداية ماراحش تبيع عبر الانترنت نضمنلك . لا لسبب الا انك جديد فالمجال . احكم السوق مليح و اعرف كل الجوانب تاعو . مثلا افتح فوهران و لا العاصمة دير اسم بعدها تولي كل المبيعات تاعك تعتمد على الانترنت .نمدلك امثلة بسيطة لاسعارها و شحال تتباع هنا باه تدي نظرةمثلا بريشكا فالسطوندار دارت 21 اورو راهي تتباع 7000 دجسبيتفاير فالراوند دارت 60 اورو راهي تتباع 23وييكداي دارت 18 اورو راهي تتباع 6000 دجتاد بيكر دارت 200 اورو راهي تتباع 57بولو رالف لورن دارت 220 اورو راهي تتباع 58رايبان 3447 دارت 170 اورو راهي تتباع 44جيبرز بيبرز دارت 40 اورو راهي تتباع 10مديتلك امثلة بسيطة باه تدي مثلا الاسعار و شحال يستقام و شحال يتباع . مي بون علابالي تبغو الارقام لهدا ايا نروحو مباشرة شحال لازملك . المحل فمكان مليح تكريه بين 6-13 مليون للشهر رايح تكريه نتا عام لانو ماكانش اللي يكريلك بالشهر راك فمتوسط تاع 95 مليون فالعام . ادا كان جاهز مليح ادا لالا رايح تخدمو علا حساب القوسطو تاعك + اللافتة ... ديرها 50 لانو معظم واش تحتاج هو وين تبريزونطي السلعة ماتحتاجش ماشينات . الضرائب و الامور القانونية ماتنساهاش .ماراحش تدير خدام طبعا زيد الضو عليك ديرها كل شهر 3500 دج يسما فالعام راك ف 4 ملاين . تروح لاهم حاجة اللي هي السلعة نتا و شحال حاب تجيب 50 نظارة 70 - 100 . نتا و القدرة المالية تاعك . المهم راك فمتوسط سلعة تاع 100 مليون .يعني عموما 95 + 50 + 4 = 149 مليون وين تضمن بيها انو المحل يقدر يمشي يالوكان بالخسارة عام كامل . +100 تاع السلعة وين تولي تقدر تجيب السلعة حتى 3 مرات فالسنة .كيما قلنا الربح تاع كل نظارة متوسط 20% يعني كي تبيع تاع 2 ملاين تربح 4000 دج .نظريا نقولو الشهر الاول 0 بيع يعني 100 - % ربح. الشهر الثاني و الثالث بيع واحد كل يوم بربح 3000 دج يعني 9 ملاين فالشهر كيفكيف ربح 0% لكن ماخسرتش لانك رديت دراهمك . الشهر الرابع و الخامس 3 مرات بيع فاليوم بمتوسط 3000 يعني 27 مليون كي تقسم 249 مليون فالشهر تجيك 24.9 مليون يعني هنا دخلت فالربح تاع 2 ملاين ايه قليلة مي اصبر . الشهر السادس و السابع 6 مرات بيع فاليوم يعني 54 مليون بربح شهري 29.1 مليون . في اخر السنة تلحق نظريا لهامش ربح سطابل تاع 35 فالشهر . وين تولي فالسنة تخلص كل نفقاتك و تربح 300 .طبعا كل شيء نسبي يزيد و ينقص حسب المكان و التعامل و السلعة و الاهم كيفاه تهدر نتا . لانو الشاري مايشريش لانو عجباتو يشري الشعور تاع عجباتو . لازم تحسسو انو ادا شراها رايح يكون سعيد و ليس رايح يشريها لانو يحوس يغطي عينيه من الشمس . و اهم اهم نصيحة لازملك معارف خشان فالمجال حتى لوكان منافسيك . يجيك زبون يحوس على نوع معين من النظارات ماعندكش و نتا علابالك عند المنافس تاعك ارسلولو عادي ووصي عليه . المرة الجاية يشري عليك .كل الارقام حقيقية من مشروع احد المعارف .

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]