مشاريع و أفكار
 
islam
2019-08-08
 
 

رايح نحكيلكم خفوفي على تجربة صديق ليا ليست معقدة و لا بالعبقرية . شغل انسان حبا حبا معا العمل و السيريو وصل و ربي يزيدلو . يخدم بومبي - كل اصدقائي المقربين تقريبا كاسكيطا - المهم كانت عندو ابارتومون ف3 شراها وقت الغفلة تاع الدولة ب 120 مليون علا ماراني عاقل هاديك تاع اللي تدفع 70 و تكمل الدولة معاك . المهم شراها و سكن فيها مور ماتزوج . جازو العوامات لقا روحو يدور فبلاصتو هو خدام و الزوجة الكريمة تاعو خدامة مي شغل قدهم قد روحهم عندهم دار و لوطو و عايشين في تناغم برك ربي ماكتبلهم الدرية. ضيع فوق 700 فالعلاج فالخارج دار كلشي فرنسا تونس الجزائر و ماكتابش ورضى بمكتوب ربي . باه مايبقاش فحلقة الاكتئاب خمم يدير عمل يلهي نفسو بيه. واش يدير ! حط انونس يبيع داره فالفايسبوك وواد كنيس . ماراح عند اجونس ماخلص ناس . جاوه ناس باعها ب 550 و راني نمدلكم الارقام الدقيقة خاوتي باه تدو نظرة . ماخرجش من داره تفاهم معا الشاري انو يسكن فيها وحد 6 اشهر اخرى . راح حوس على ارض و هنا دار افار لقا ارض شابة فمكان مليح فيها 140 متر كاري مي شويا غاليا 310 مليون فيها كل الاوراق يسما على الشعرة . راح بنا برك التحت اي الارضي بنا قاراج و بجانبو المنزل. صدقوني يا خاوتي من اجمل المنازل اللي شفتهم . بسيطة مي شابة . صح شابة المنزل كامل بالبيض . دار قرض تاع 40 مليون زاد عاون بيها روحو و بناها قالي ستقامتلو حوالي 270 مليون بكلشي يعني المنزل بكلشي حتى شوديار تاع الحمام حتى البلاكا تاع الطياب قاراج الكتريك . المهم ستقامتلو كلشي وحد 600 . كونه كان مونافري قبل مايخدم فالكاسكيطة يعرف كلشي على البناء و كان قايم هو بكلشي يخدم فهادوك اليومين و كاين يزيد يراطي الخدمة بزاف كونه شويا قراد لهدا ربح بزاف فالبناء . المهم نفس العملية كي كملها سكن وحد 5 اشهر فيها و يعاود يحطها فواد كنيس جابتلو 950 باعها وشرا ابارتومون ف3 ب 400 و سكن فيها و شرا دار فحي شعبي ب 450 فيها الارضي و الطابق الاول و كل واحد و الدخلة تاعه .و كراهم فيزوج ب 4 ملاين فالشهر و دارلهم تسبيق تاع سنة جاته جوايه 50 و 100 تاع البيع و زاد شويا هو و الزوجة تاعو كيفكيف شراو عاود ارض و راهم يبنو فيها بالعقل . راني نحكيلكم خاوتي لانو الامر ماهوش معقد لتلك الدرجة برك اعرف وين تحط رجليك و دير هدف فراصك توصل بادن الله . من منزل بقا يدور فيه وين لحق ل 3 منازل و ارض في ظرف 5 سنوات فقط يسما كون نحسبولها من 120 مليون رجعها فوق مليار . ربي يزيدلو و يباركلو .

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]