مشاريع و أفكار
 
islam
2019-08-08
 
 

الربح من الالعاب
. رايح نحكيلكم على مجال هو المعنى الحقيقي لعبارة يلعب فالدراهم . المهم من اللخر لازملك حاسوب قوي ولا بلايستايشن4 ولا اكسبوكس وان و لازملك انترنت مليحة و لازم تكون تلعب بزاف و متفرغ ولازملك كاميرا و ميكروفون. ادا عندك هادو كمل اقرا ادا ماعندكش ماراحش تستتقاد مي اقرا للتثقيف و باش تعرف الناس شحال راهي تدخل الدراهم . نبداوشوف اخي كاين منصة اسمها تويتش تابعة لشركة امازون وش هاد المنصة . هي مكان للبث المباشر للالعاب يعني كي تكون تلعب نتا مباشرة وفي نفس الوقت الناس تكون تتفرج فاللعب تاعك من خلال هاد الموقع اللي اسمو تويتش . ادن نتا راك تلعب و تتمسخر و تقضي وقت و الناس راهي تتفرج فيك و تعلقلك وتتفاعل معاك . تقولي ايا و منبعد !!! تقولي وين راهم الدراهم ? هههههههه هنا نقولك يا خويا يا خويا . هاد المنصة باش واحد يديرلك اشتراك لازم يخلص 5 دولار فالشهر نتا تدي منها 3دولار و مزال ماهدرتش على الاعلانات فيهم والتبرعات و البيع فيه. دونك نتا راك تلعب نقولو دارولك 10 مشتركين فقط اشتراك يعني عندك 30 دولار كل شهر اضافة للاعلانات المباشرة يعني راك تلعب والمشاهد راه تطلعلو اعلانات و تربح نتا منهم زيد كاين كيفاه تبيع صوالح من خلال المنصة و كاين طريقة التبرعات ادا كانو الناس يحبوك. مارايحش نتعمق فالامور التقنية كيفاش تبث ووش تحتاج ايكزاكت لانو الامر طويل وراه كاين كلشي فاليوتيوب و ادا واحد حاب يكونطاكطيني نزيد نفهمه . المهم للعلم كاين ناس تدخل ملايين الارووات فالشهر مثلا واحد دار بث مباشر 24 ساعة فورتنايت دخل 0.7 مليون اورو يا خويا يا خويا . تقولي مافيهاش رايح نحكيلك على صديقة ليا من شكوبيستان مانروحوش لبلد الكفار ههههههه باه ماتقولوش واعرة ياك من نفس البلد ونفس الامكانيات تقريبا و راها تستريمي نورمال اسمها لقاطة ههههه - تم تغيير الاسم - عندها 19الف مشترك نلعب معاها انا شخصيا فورتنايت يعني عندها 57الف اورو فالشهر دون احتساب الاشهارات . ايه يا سي محمد راني نحكي صح . المهم لازملك تكون تهدر الانجليزية مليح يعني بطلاقة او تكون تهدر الفصحى بطلاقة ادا كنت موجه المحتوى تاعك للخليجيين . لانو في الجزائر ماتدخلش دراهم بسبب ماكانش الدفع الالكتروني . و اخطيونا من سؤال تاع كيفاه تخرج الدراهم و شكوبي . ابداو برك خاوتي ديرو ايكيب 3 ولا 2 و كل يوم ديرو بث تاع ساعتين و لا 3 و اضحكو و اتمسخرو رايحين كل مرة يزيد المشتركين تاعكم و اتكلو على ربي.للملاحظة تقدر نبث حتى من يوتيوب كون دلك اسهل للمبتدئين لكن ماننصحش بيه

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]