مشاريع و أفكار
 
islam
2019-08-08
 
 

السلام عليكم ...
مشروع اخر اريد ان اعرضه على ااناس لي ساكنة في الارياف و عندهم ليستاع و حقول مش فالمدينة و الضيق
المشروع هو تربية الارانب اللحمية ...كما هو معروف الارانب تتكاثر بسرعة كبيرة يعني المشروع لا يحتاج راس مال كبييير خاصة اذا عندك ڨاراج او اسطبل كبير تاع روحك
اولا عليك تهيئة المكان يعني توفير النظافة لانها اهم شيء لان الارانب حيوانات حساسة للمكروبات و الفيروسات ...يعني يكون مكان العمل نقي حبذ لوكان تحوز عليه بالجير مع الماء la choux ...اضافة اماكن للتهوية لان مخلفات الارانب يدير رائحة و غازات مضرة لازم تهوية ....توفير الدفىء في الشتاء اذا كاين برد قارس و توفير البرودة فالصيف اذا كان الحرارة كبيرة و ذلك بستعمال extracteurs خاص بهاذ الشي يقوم بترطيب المكان يحول دون جفاف الحيوانات ...و الامر الاخير علبيها قلت مسبقا لازم حقل تاعك باش كي تنظفلهم الروث تاعهم يخرج للحقل تاعك بما انو سماد طبيعيو لازم قبل ما تشري اي شيء تسقسي على احوال السوق و تجيب ارقام اصحاب الباطوارات و كاين لي يشروهم حي هو يتكفل بالباقي نتا لازم تسقسي و تحوس و تشوف لي يمدلك سومة مليحةالان و قد وفرت كل الشروط لازملك تشري الكاجات يسموها ( باتري ) جاية كيما قي الصورتين تجي ارضية و طويييلة او على شكل طوابق للناس لي ماعندهاش ليتساع ...ساجيب عن الاسئلة حسب مقدرتي في التعليقاتكبداية مراحش تشري بزاف ارانب عندك تشري خمس الى عشرة اناث و ذكرين للتزواج يكفي سلاسة newzilandie سلاسة بيضاء ذات عيون حمراء ناجحة بزااف ...لهاذ ال12 حيوان سيصبح لديك حولي 200 ارنب بعد ثلاثة اشهر يعني تكاثر هائل ....(مدة حمل الارنب 29-31 يوم ) و تقدر تتزاوج الانثى بعد يوم او يومين من وضع صغارها يعني تولدلك اليوم تخليها تريح ثلاثة ايام تحطها تتزاوج و بعد شهر تماما تنحي هاذوك ولادها لانهم كبرو تحطهم في كاجة مستقلة على يماهم باش توكلهم و يسمانو ...و الام بدفي ذلك الوقت تكون ولدت الولادة الثانية يعني انثى واحدة اذا تولدلك عشرة ارانب كل شهر راك في 30 ارنب بعد ثلاثة شهور متفاوتين الاعمار ( مع احتمال موت الارانب في بطن يماهم او بعد الولادة ) لكن امور تحدث بنسبة قليلةحكينا على الام و الولادة دك ننسلطو الضوء على الصغار ...الصغار بعد ما يقعدو عند يماهم حوالي 28 يوم يحبسو الحليب تاع يماهم يولو ياكلو ماكلة تاع الارانب و تحطهم في كاجة وحدة حتى يلحقو شهرين ثم تفصل الاناث عن الذكور لكي لا تتهلط الحابل بالنابل ....كي يلحقو 3 اشهر يكون وزنهم بين 2.3 كلغ الى غاية 3.2 كلغ حسب السلاسة و طريقة اطعامك لهمثم نتا باش تكبر المشروع تاعك تجبد كاش عشر اناث لي بانولك عندهم فورمة و ميزان مليح خليهم عندك و زوج او ثلاثة ذكور لي عندهم جسم كبير باش تحافظ على السلاسة و حبذ تشري ذكور جديدة ذوات الوان اخرىالباقي يوجهون للبيع ... كل واحد كيفاش يشري بصح الحد الادنى هو 370 da للكيلوغرام و هو حي يعني ارنب تاع 3.2 كلغ يتباع ب 1200da بالتقريب
هاذا بالثمن الادنى كل واحد كيفاش يشريالماكلة تاع الارانب في الجزائر كاين تاع تلمسان و تاع القصر
كنصيحة مدلهم تاع تلمسان السبب؟! ...القصر مشكلة تاعو هي يكون اوقات نادرة جداااا و اذا كنت توكل القصر و خلاصلك ما لقيتش تولي تشري تاع تلمسان يعني تغيير مفاجىء للغذاء فقل مرحبا لمجزرة من الحيوانات لانها حساسة جدا لازم نفس الماكلة ....و تتميز ماكلة تلمسان بتصنيعها لنوعين ...نوع مخصص للارنبة الام ليساعدها علة تحمل ارضاع عشرة ارانب
و نوع موجه للتسمين باش في ظرف 3 اشهر يولي ارنب من 500 غ الى ال ثلاثة كيلوغراماظن اني حاولت االتطرق لكل التفاصيل اذا عنكم سؤال نقدر نجاوب حسب معرفتي المتواضعة و شكرا لكم

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]