مشاريع و أفكار
 
islam
2019-08-08
 
 

السلام عليكم خاوتي ان شاء الله تكونو بخيرحبيت نحكي على مشروع بيع الروائح المعروف ب ليزيكستري .بكل اختصار هو مشروع ربح في ربح ، فايدة كبيرة تدخلها خاصة ادا كنت فبلاصة فيها الخدمة ،
1)السلعة منين تجيبها : عادت اغلبية التجار يسلعو من باب الواد و لا يتعاملو مع واحد يكون وسيط و هو يكون يسلع من تم على حساب واش شفت .
2) المستلزمات باش تبدا تخدم : انا فاتح طابلة يتسمى ماراحش نقولك فيترينة و حانوت و ...،المهم اولا ليكستري ، تشريه عادي بالكيلو هو عبارة عن ريحة مدوزية تجي كيشغل زيت ،تانيا لالكول لي تخلط بيه ، تصبر كمل اقرا المنشور نوريلك كيفا تخلط .
تالتا القرع فارغين ،تبدا مالقرعة تاع مسك صغيرة قاع و بانواعها ، حتى للقرع تاع الفشفششات صغيرة متوسطين و كبار (هادو هوما لي يتخلطو بلالكول ) .
رابعا الابرة لي يخدمو بيها ليفيتيرينار هي المليحة للخدمة .
خامسا ادا ماعندكش حانوت اشري طابلة سبيسيال تجي ساهلة للرفدة كي تروح تسلع سقسي عليها .
3)كيفية العمل : نقولو جاك مشتري حب يدي قرعة مسك صغيرة (راسها ماشي فشفاشة جاي كي شغل رودة تحكها على يدك ، المسك العادي لي نعرفوه قاع ) هنا عمرلو ايكستري وحدو ماتخلطش لالكول ،الحالة التانية يجيك مشتري يقولك عمرلي قرعة ريحة و هو يخير الحجم نتاعها فارغة ، نتا احكمها تكون عبالك ششحال ترفد القرعة ( ادا تلفتلك قاع عمرها بلالكول بالابرة قاع و شوف شحال عمرتلها من ميليلتر ) زعما نقولو ترفد 60 ميليلتر اقسمها على تلاتة ، عمر 20ميليلتر ايكستري و لباقي لالكول و خلطها مليح هادا مكان معا الوقت تولي تجيك ساهلة تشفى ، و انتا كي تروح تسلع سقسي شحال تعمر هوما يقولولك ادا ماقالولكش دير كيما قتلك
5) السلعة واش تجيب : _ اشري المشهورين كيما سوفاج ديور . بلو شانال ، لانفيكتيس ، polo red , امواج البحر ، lacost noir, lacost blan , one lillion , ....المهم خلط و خود رايي كاين روايح نتا مايعجبوكش فايحين يالرب و هكداك يجو ناس يدوهم و هوما فرحانين نتا و تحير .
6)سعر الللوازم و مل شيء :_ليزيكستري تلقاهم اغلبيتهم مليون و ميتين للكيلو ( نتا ماشي لازم تشري كيلو كاش نص رطل من كل حاجة و دور يخدملك بزاااف )القرع تاع مسك صغار فارغين : 10 دينار للقرعة اشري كاش مية يمشو بزاف .القرع تاع فشفاشه : من 20 دينار حتا سبعالاف و خمسية سيي تنوع بزاف .المهم انا طابلتي بديتها ب 4 ملاين قلعت نخدم عشر ايام لخرين تاع رمضان ليلة العيد حسبت ليقت روحي فيدت ربع ملاين (على كل حال كنت السلعة كل يوم نجيب ) .
7) الفايدة : شوف قرعة مسك صغيرة تنباع 150 دجلي كترمنها شوي 200 لي كتر منها 25 ( ابار فبعض الانواع الغالية تزيد السومة )القرع لخرين خلا حساب يبداو من عشرين الف حتى للمية الف نتا كي تروح تسلع يفهموك على خلطش السلعة تختلف .دير مليح فبالك القرعة لي تبيعها بخمسين الف نتا ياربي خاسر عليها عشرين الف ، ماشي انا نغلي السوق يقول هكدا قاع يبيعو هكدا روح وين حبيت .خاوتي ان شاء الله نكون عاونتكم و لو بقليل

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]