مشاريع و أفكار
 
islam
2019-08-08
 
 

سلام عليكم
اولا وقبل مانبداو نحكيو على اي مشروع نخليلكم نصيحة اتمشاو بيها
نصيحة هدا المنشور هي انك لازم تخدم راسك بزاف و تكون خفيف و ماتخافش و تثبت روحك بزاف خلاصاليوم راح نحكيو على مشروع لي هو سكانار السيارات و الشاحنات كيما تعرفو الوقت الحالي البلاد راهي تركب السيارات و مصانع التركيب يزيدو و تاني اهم حاجة جميع السياراة الحالية تمشي بالتكنولوجية و كل الاعطال تاعها تتعرف بالسكانر
دوك كيفاش انت دير كاين بزاف صفحات و مدارس لي تعليم السكانار و الدورة تكون فيها اسبوع
انت تقولي اسبوع واش نتعلم فيه انا نجاوبك و نقولك تتعلم فيه لعجب كيفاش
انت كي تسجل و تدخل تقرى هي سمانة قليلة انا نوريلك كيفاش تبروفيتي فيها بزاف في السمانة هديك لازم عليك تحفض ليكود تاع اعطال السيارات عن ظهر قلب و هدا هو اهم شيء في سكانار السيارات ليكود تاع الاعطال اما الباقي اي واحد حاليا يعرف يخدم بالهاتف الذكي و اللابتوب
ثانيا انت كي تحفض الاكواد تاع الأعطال تماك دور للحوايج لخرين
دوك نبداو كيفاش تخدم بعد ماقريت و هزيت الديبلوم
اولا انت تحتاج لابتوب و اذا كان ماعندكش تقدر تستعمل الهاتف النقال و من بعد واش دير في داركم تخدم ليكارت فيزيت و تحطهم في كل بلاصة 1000 بطاقة تستقاملك 350 ميل ماشي بزاف و دير اشهار في صفحات و قروبات الخاصين بمكان اقامتك و تحط رقم الهاتف تاعك طبعا
و ماتبقاش قاعد في بلاصة و تقولي ماعيطوليش و ماتعلمتش مليح
انا نعطيك طريقة دبر بيها مصيريفة و الناس تعرفك نحكيلك نصيحة حكيتها لواحد صاحبي كي بدا جديد
كان عندي واحد صحبي نصحتو دار ديبلوم تاع سكانار و كي كمل الديبلوم حتى هو كسول يحساب سيبون وصل ايا دبرت عليه قتلو كل جمعة روح لسوق السيارات باللابتوب تاعك و دور على اصحاب السيارات قولو نديرلك سمانار ب 20 ميل و اعطيه مارت فيزيت تاعك ايا جربها السوق اللول روح بمليون من هداك النهار مايراطيش السوق خدمها 3 سنين و راو فاتح قاراج ولباس بيه ماتريال و عط و باني سكنة و الحمد الله وكان كسول لدرجة ماتتخيلهاش شحال كنا نعيطولو النشط
المهم صديقي انت دير هكا ماعندكش لابتوب دير بالهاتف تاعك مكانش لي ماعندوش هاتف ذكي اضعف الايمان هاتف قدور
اي استفسار دعه في تعليق
لي عندو معلومة اضافية يحطها في تعليق
و هكا نستفادو من بعضانا

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]