مشاريع و أفكار
 
islam
2019-08-08
 
 

سلام عليكمكيما العادة كل ليلة نديرو ريزومي على مشروع صغير
المشروع تاع اليوم رراح يكون مخصص للناس لي تخدم اكسيسوارات الهواتف و الطلبة لي حابين يتفاكرو شوي مصروفة تاع الجامعة المهم لاعلينا نبداو
كاين هدي الماشينة لي في الصورة اسمها diy laser engraver تشريما من الانترنت توصلك بعد 25 يوم تسقاملك واحد مليون ونص
انت تقولي واش دير بيها انا نجاوبك هدي الماشينة ترسملك اي حاجة باللايزر في اغلفة الهواتف و ليبوشات و الصاك و اي حاجة و صغيرة تقدر ترفدها في ساكادو و زيد تمشيها بالبلوتوث مع الهاتف او بالكابل مع الحاسوب و و تصلح مام للناس لي عندهم طابلة بيسك تقدر تمشيها بالباور بانك
نعطيك مثال مثلا انت طالب جامعي و تحب تخدم بيها تجيب طفلة من معارفك تقولها ارواحي نوريلك حاجة شابة(ماشي تحلاب طبعا بيسك راح دير بيها طريق تاع خدمة) تجبدها تمشيها مع الهاتف تاعك بالبلوتوث و الباور بانك و تجيب الهاتف تاعها تبلاصيه في المشينة و تقولها تخير صورة و تطبعهالها في الهاتف هي اتوماتيكمون راح تعجبها و تحكي عليها لبنات صحاباتها و تولي المطلوب رقم واحد في الجامعة اخدم الهاتف او الصورة ب 20 ميل و تشوف كيفاش الدراهم يولو يدخلوك و انت قاعد في بلاصتك و مام مع ليجان صحابك و هدا يقول لهدا و انت وليت مشهور
و اصحاب المحلات و الطابلات تاع اكسيسوارات الهواتف تشري مثلا بوشات عادية ب 5 الاف جملة تحكمها كل وحدة تطبع فيها ايموتيكون ولا صورة و تبيعها ب 20 ميل خير ماتبيع بوشات وحدها ب 10 ميل

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]