خوتي نقترح عليكم مشروع مليح ،و خاصة لناس الريف او الناس الي عندهم سكن كبير بزاف على برا ،الفكرة هي دجاج العرب لازملك مكان كيما نقولو سجنة تكون مخدومة مليح و تقدر تنظفها و مكان باش يخرج يرعى مرة على مرة و مكان مغطى على المطر مايهمش مساحة كبيرة صغير شويا تكفي حساب العدد،تشري مثال 200 دجاجة و تزيد معاهم عدد صغير من الديوك و اطعامهم لازملك ماء و كسرة يابسة تروح مرة فالاسبوع او الشهر لسوق الغنم تشري شكاير الشكارة مفروض دير 100da تشمخ بالماء هذا مكان اكلهم و لازمك صديق او شخص تعرفهمربيهم مقبل باش اذا لقدر الله كاش مرض مباشرة يعطيك العفسة تع الدواء ،ضرك نحكو على الميزانية 230 دجاجة و ديك تستقام بماكلة تع شهر تقريبا 12 مليون و زيدها تجهيز الشباك تقدر تقول 15 مليون بالمقابل 200 دجاجة فاليوم اقل شيئ يجيبولك 140 بيضة البيضة ب 20دج راح يكون عندك مدخول تع 2800دج تقدر تقول صافي لانه درت حد ادنى تع البيض ،يعني باش ترجع راس مالك لازمك اقل من شهرين و مبعد يبدى الربح ،بيض العرب كيما معروف مطلوب جدا فالسوق يعني تبيع مرتاح و قادر تزيد معاه دجاج براهما تع الزينة باش تزيد المدخول و اهم شيئ انه مشروع مايحتاجش مقابلة يعني وكلهم و نقي في اقل من نصف ساعة فاليوم ،خاصة ناس الريف الاهم هو تهيئة المكان الي يترباو فيه و النظافة ،منشور للافادة
#منتديات_خليل_فكرة
