مشاريع و أفكار
 
islam
2019-08-07
 
 

رايح المنشور يكون طويل لكن مفصل .تعرفو كيفاش تتمشا الافنتات ! evenementsمثلا يقولك كاين ايفنمون تاع سياحة فالعاصمة . و نتا كمواطن تروح بشكل مجاني تحضر و تشوف و تسال و يجاوبوك وتخرج . هنا تقول نتا وين راه ربح المنظم تاعو و كيفاه يدخل دراهم . شوف هو كمنظم يدير دراسة للايفانمون و يحسب شحال يحتاج دراهم و شحال يجيه من زائر فاليوم و وين يديرو و الكرا و كل شيء . الدخل يكون من الاشهارات . كمكان يجوه بزاف ناس فمجال معين مثلا اجونس دو فواياج و لا اجونس دو اسورونس دو فواياج ماهو افضل مكان تدير فيه اشهار بثمن مليح و موجه!! الجواب هو هاد الافنتات .مكان يجيه مئات الافات من الناس المهتمة بالسياحة هو احسن مكان يقدرو يديرو فيهم الاشهارات تاعهم . دونك المنظم عندو فريق يديرلو خطة اشهار مثلا باغي اللوقو تاعك و بوسترات فافضل مكان اللي هو الباب تخلص 5 ملاين باغي مكان عادي تخلص 3 ملاين ... هادو الاشهاراتكاين دخل اخر و هو كراء اماكن عرض الخدمات . يعني كي تدير ايفنمون عندك دي كيوسك صغار تكريهم لاصحاب المؤسسات بسعر نتا تحددو وين هما يعرضو المنتجات تاعهم و يبيعو .يعني ملخص الفكرة مثلا تخسر 100 مليون للتنظيم و تدخل 400 من عروضك .هادي كانت البداية تاع الشركة تاعهم نتحفظو على الاسماء لكنها من شرق الجزائر . المنظم دار افانمون تاع التكنولوجيا بدعم من الدولة وين ربح فيه 2 شباب عبر تطبيق بفكرة جديدة . الدولة قبلت تدعم الفكرة تاع الرابحين عبر انساج و مدتلهم انكباتور و مكان عمل مدفوع و الماتريال. واش دار هو ! عرض عليهم انو هوا يدعمهم بدل الدولة قبلو العمل معاه لانو المشكل اللي كان عندهم ماهوش الدعم المالي فالبداية و انما الخبرة و العلاقات اللي كانت المجال تاعو . المهم التطبيق ولا تاعو و هم شركاء معاه فيه و سمي بنفس اسم شركته تقولي علاه مابقاش تاعهم ! لانو كان لازم يفتحو شركة و يسموه و امور قانونية . ببساطة دارو عقد وين يولي التطبيق تاعو و باسمو و هدا حل المشااكل القانونية و فالعقد ولاو شركاء في التطبيق . دخلهم 500 مليون في ظرف 3 اشهر ربح صافي . عند بالك قالو سيبون نحبسو !لا.... كانو 3 شركاء ولاو 6 . المدير و 2 مطورين اللي ربحو و وحدة متكفلة بالادارة وواحد من سطيف و الاخر بجاية . واش ققرو يديرو . كل واحد فيهم يدير شركة مصغرة عبر انساج . 2 مطورين فتحو اجونس تاع تطوير المواقع و التطبيقات و البرامج . تاع بجاية فتح شركة مختصة فكراء الماتريال تاع ليزيفانمون تاه سطيف فتح شركة طباعة و المنظم عندو شركة و الاخرى فتحت اجونس تاع ادارة مشاريع . تقولي علاه دارو هاكا .شوف ولاو كامل يخدمو معا بعضاهم برك . المنظم يحتاج الماتريال يجيب من عند الشريك تاعو . المنظم يحتاج طباعة كامل البوتسرات بالالاف يروح عند الشريك تاعو . الشركاء فمجال الميديا يحتاجو تطبيقات و مواقع ليهم و للعملاء تاعهم يروحو عند الشريك اللي عندو شركة تطوير . و كامل هادو يحتاجو ادارة مالية و قانونية يروحو عند الشريكة تاعهم . يعني خلقو حلقة كاملة بيناتهم برك وين الكل رابحين . وصلو في ظرف 3 سنوات ردو كل دراهمهم و دخلو فالربح . واش دارو زادو شريك معاهم عندو شركة فالمجال تاع الاتصال و الاعلام . ولاو 7 شركاء وهنا دارو بيناتهم ما يسمى شركة دات اسهمالملخص تاعها انو لازم 7 شركاء و راس مال اكبر من 500 مليون سنتيم . للعلم راس مالهم عند البداية كان 4.7 مليار سنتيم .ربي يباركلهم و يزيدهم . حاليا 70% من اكبر ليزيفانمون فالجزائر و معظم المواقع و التطبيقات تاع الشركات و الادارات كلها تاعهم .حكيتلكم تجربة بداية تاع شاب واحد هو المنظم بشركة بسيطة ووين لحق .

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]