مشاريع و أفكار
 
islam
2019-08-07
 
 

جيت نحكيلكم كي العادة على حاجة تنجم تديرها باقل من 5 ملاين للشباب و الشابات . ماتحتاجش راس مال كبير قادر تبداها ب 2000 دج نورمال و فيها دراهم ملاح و نتا و فقازتك المهم نبداوParacordماللخر تعرف وش هوا خيط الباراكورد ? هدا خيط اللي يجي فالباراشوت خيط قوي بزاف بسبب كيفاش مخدوم - الشكل المفتول - المهم ماهوش هدا موضوعنا . الموضوع هوا كيفاش تحولو لدراهم . قولي تعرف واحد مايلبسش ساعة و لا براسلي و لا قلادة و لا خاتم و لا حاجة تاع زينة ? تقدر تقولي كاين لكن العدد قليل جدا الاغلبية هم ناس تحب هاد الصوالح تلقاه لابس سوار شباب و لا ساعة شابة تزيد فيه النص . ايهيه و منبعد تقولي. نقولك راك تشوف التصاور اللي راهم التحت ! نظن فهمتني رايح تخدمهم و تبيعهم . ادخل لموقع بينترست و اكتب تصميمات باراكورد تلقا ملايين التصميمات و بالفيديو يفهموك كيفاش تخدمهم - راهم ساهلين -فموقع ايباي سوارات واجدين يتباعو بين 5-50 دولار كاين الشابين و كاين لا - يعني سوقهمك مليح - . انا درك نوريك كيفاش نتا من بلد شكوبيستان تدخل فيهم و تخدمهم وحدك . شوف 8 متر تاع الخيط راهي تدير جوايه 2 دولار فموقع ايباي و الشحن مجاني اللي هيا 400 دج على اقصى تقدير و للعلم السوار ينخدم بحوالي 1.5 متر تزيد و تنقص حسب الحجم و التصميم دونك شوف اللي يشريلك الخيط عبر الانترنت جيب شحالما تحب و يدخلو عادي و ماكانش هادي يخونوك برك ماتمرقهاش اشري عدد مقبول . المهم 8 متر تخدملك كاش 5 لحد الان السوار ستقاملك ب 80دج يلزملك البلاستيكة اللي هيا القفلة - تقدر تخدم تصميم مايحتاجش هاديك القفلة يعني الخيط برك - هاديك اشريها من الحوانت وين يبيعو الصوالح تاع الخياطة راهي تدير بين 5-20 دج . يعني ستقامتلك اقصى تقدير ب 100 دج .تقولي مايتباعوش .... مارايحش نحكيلكم على الناس نحكيلك عليا انا شريتها لولد خويا ب 1400 دج فهمت كيفاش راهم غاليين لانهم قلال بزاف يعني راك فربح تاع +400% عادي و الخسارة راهي قليلة لانو مارايحش ترميهم و لا يتخسرو و لا يتعفنو يعني تسطوكيهم عادي و زيد تقدر تعدل و تموديفي و تطور و تنقص و تزيد حسب رغبتك و حسب رغبة العميل يعني يجي واحد يقولك اخدملي سوار بيض و خضر و فيه الحمر قولو هاوليك العلام هههههههه . تنجم تخدم كيما تبغي ماعليك برك تدخل و تستعمل قوقل راه فيه كلش تكتب سوار باراكورد باللون الاحمر و الابيض يطلعولك بزاف . فهمتنيراك خدمتهم و قتلك السعر يزيد و ينقص عموما بين 90-400 دج للوحدة . نتا واش تدير ! روح ديراكت عمي يوتيوب اتفرج الشروحات راهم بكل اللغات و اتعلم و جرب رايح تخطى و تتعلم كي تكمل . روح ديراكت عند عمي يوتيوب و انستقرام و جيب بورطابلك الشباب و ادا ماعندكش جيب بورطابل صاحبك الشباب ههههههه ماتتوسوسش مني . اخدم و صور و زيد شويا فلترات المهم زوق تبيع و انشر انشر و دير سبونسور فولايتك و فنسبة الشباب تحديدا الكبار راهم خاطيهم شوف جماعة 16-23 عام . و نزيدلك البسهم و اخرج يعني كل مرة بدل البراصلي و اخرج دور خاصة وقت الصيف راهم يتمشاو بلخف دير سبونيور لنفسك . وبيع فالجامعة و لا فالسطاد ادا تعلمت تخدم بالالوان حسب كل نادي و اتعلم الماركوتينق ... هو اللي يطلعكراهم ستقامولك نقولو ب 250 دج للوحدة + زيدلها السبونسور تاع كاش مليون فالشهر ادا حاب تبدا مليح .درك شوف250 للوحدة تبيعها ب 1000 دج برك نتا يعني ف 10 راك ربحت 7500 . هاديك المليون تاع سبونسور رايح توصلك لكاش 10الاف شخص بسهولة نقولو يشرو عليك برك 30 . 30 سوار رايح يستقامولك 7500 + مليون تاع سبونسور = 17500دج خسارة كلشي . نتا تبيعهم هادوك 30 ب 22500 دج شفت كيفاش ههههه 5000 دج جاو وحدهم رديت دراهمك و دخلت فالربح . الدراهم + شويا معرفة جابولك الدراهم . و تقدر تبيع اكثر بسهولة و تبيع بسعر اكبرتقولي رايحين ناس يقلدوني نقولك نورمال الفرق بينك و بينهم هي الجودة والسعر . اخدم سيريو و مليحكيما قلتلكم راهم صوالح تاع بنات وولاد

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]