السلام عليكم خاوتي نتمنى تكونو بصحة جيدة . كي العادة رايح نحكيلكم على تجارة خفيفة تاع راس مال 5 ملاين ... علابالي معظم الناس هنا مازالها تقرا لهدا هاد الفكرة مليحة و تساعدهم و رايح نفهمهالك من كل الجوانبماللخر لازملك طابعة و قادر تطبع برا فسيبار مي ماننصحش بدلك ولازملك ورق اسمو اوطوكولون يدير 30دج للورقة بركو لازملك بيسي و لا حتى بورطابل نورمال و لازملك مقص .... راحين نخدمو ستيكرات شابين ساهلين . درك وش تدير نتا ?? ماتقلبش راسك ادا ماتعرفش تصمم روح ديراكت عند عميقوقل اكتب تصميمات مجانية و حملها و لا روج ديراكت لمواقع التصميمات و اسرقها و لا برك عدل عليها - ماتديرهاش هدا امر غير قانوني و ماهيش عقلية تسرق عمل تاع الناس برك راني نفهمكم بلي قادرين تخونو عادي - راك جيبت تصميم و لا راك خدمت تصميم ادا تعرف تصمم وش تدير ? جوزها للطابعة ديراكت طبعو و قصو و خلي فراغ بيض يعني ماتقصش حواف التصميم خلي شويا زيادة المهم قص مليح بعناية خود وقتك على خاطرك قص ماتتقلقش لازم يكون مليح. ايا راك طبعتو و قصيتو و كملت ... للعلم الورقة تستقاملك حوالي 70 دج بكلشي يعني بالورقة و الحبر و المقص هههه . كل ورقة تخرجلك حوالي 8 تصميمات خفاف و يزيدو و ينقصو حسب الحجم , تبيع الستيكر ب 50 دج حتى 100دج يعني 70دج اللي خسرتها على الورقة تجيبلك 400دج حتى 800دج .بمعنى اخر راك خدمت 10 وراقي تربح 4000دج حتى 8000دج . تبدا تبيع لصحابك و الناس القريبة ليك, تبيع وين تقرا خاصة ستيكرات تاع الكورة كيما مولودية و جياسكا ولويازما و الساورة و شكوبي هههههه تاع السبور, و تخدم معا البنات تاني بزاف اخدم وش يحبو . تبيع للمكاتب القراب ليك.... صدقني نعرف ناس راهي تخرج ب مليون فالشهر بضحكة برك .
ايا راك باغي تتوسع نتا وش تدير ? حل انستقرام و جيب مصمم مليح يخدملك تصميمات حسب الطلب كبما تاع سولكينق و لا تاع زعما كول البنان هههههه و لا تاع سبيكتور طاهر و لابرانتي و لا تاع القايمر شخصيات بستيل جزايري ولا تاع مواضيع الساعة كيما تاع جعفر ههههه ولا تاع منانوك و لا تنجم حتى تخدم شخصيات تابعة ليك ... . المهم شوف واحد مليح و ابدا تنشر فالحساب تاعك و تدير تصاور شابين كيما اللي راهم التحت .... و الاحسن تكون فولاية كبيرة العاصمة وهران .... لانو ماتبقاش تتنقل و تخسر دراهم وزيد سهل تلقا مشترية فيها. كي تلم دراهم اشري ماشينة هيا تقص حسب حجم التصميم ماتقصش بيدك و ابقا تتوسع للعلم هاد المجال راه كبير جدا برك فالجزاير ماكانش
المهم ادا حتاجيتو معلومات زيادة خاصة فالتصميم راني هنا

#منتتديات_خليل_فكرة