فكرة بزاف ناس يعرفوها لكن يستهينوا بها لانهم يخمموا بلي مفيهاش مدخول كبير ،الة قهوة خاصة فالبلايص لي مفيهاش مقهى ، هي ليست مشروع بحد ذاته و انما وسيلة لزيادة الدخل ، و كي نقولك زيادة الدخل مش غير منها ، بزاف الزبائن لي يحشم يشري قهوة برك يزيد حاجة ولا يشوف عندك حاجة يتفكرها و يشري هادي هي الفكرة ،لكن تقدر تكون مشروع اذا كنت مثلا طالب جامعي تبات في الاقامة فيها دخل مليح يكفيك بزاف تخيل معي مثل هاد الماشينة باطة قهوة تخرجلك قرابة 13 پراس "كاس قهوة" ، يعني تربح اكثر من 200 دج فالباطة الوحدة السكر يشدلك بزاف متخممش من هاد الجهة ، تزيد معاهم شوية دولصيصول "بيسكوي رولي " شوية شيكولا و خاصة البيض حنا شعب تتلفلو يدي البيض ، حتى و كاين الفوايي الشعب يطيح en panne يجي ليك ، مع اذا لقيت دير les bons de recharge , مرة مرة تزيد سلعة قليلة مثلا كتمان ، ديباردور ، تقاشر ، شارجور ، ريحة ...و اذا حكمتلك مليح دير فوطوكوبي خويا و خدم على روحك❤
