مشاريع و أفكار
 
islam
2019-08-05
 
 

كنت نتفرج في الاشهارات الجزائرية كي العادة ومبعد هههه جاتني الفكرة
حبيت نشاركها وقولولي رايكم " الفكرة تعتمد على صنع اشهارات مثلا : شركات الاتصال ، شركات المواد الغذائية ، شركات السيارات ...الخ
خممت كيفاه ندير اشهار !! منين رح نجيب الأفكار والمعدات وكذا ومنا ومنهيه هههه
... ايا جاتني الفكرة !!
رحت لليوتيوب حوست على ابسط الاشهارات الأجنبية التي خلقت اكبر رواج ومبيعات في العالم أو في البلد مثل
الو م أ
.... ومبعد متلا انت كغرافيك ديزاينر ، ديزاينر ، فيلم مايكر (صانع افلام ) ، ....ولا عندك رؤية في امورات صناعة الفيديوهات التمثيلية وجعلها اشهارات مشابهة للاشهارات الأجنبية
وكيما عارفين الاشهارات الجزائرية ناقصة بزااف ميش فاهم بواش رآهم يخمموا
يعني اشهارات لا ترقى لتطلعات المواطن ولا تجذبوا ، يجيك اشهار اروما متلا ... ولا عجائن اكسترا (بنان هذا مكان ) تكره حياتك
..... ايا انت تجيب المحتوى الأجنبي وتعاود تصيغه ،
.... تقدر ندير اشهار عن انترنت اوريدو (كيما الاشهار اللي يركب في طوموبيل ويقضي صوالحو من كل بلاسة بسرعة بالجي بي اس خطاكش كوناكسيون اوريدو مليحة )
هادي ساهلة تحتاج كاميرا تلفون وطوموبيل وتلفون اخر وهكا ....
.....وكاين اشهارات اكثر بساطة
..... اهيه كيفاه تربح من هاد الشي !! ساهلة
.... تدير الفيديو نتاعك تريڨله مليح ، وتروح للشركة متلا (موبيليس ) [خطاك راعي ضعيفة حاليا ]
... قال عندي فيديو نتاع اشهار ولا اروع لازم تبين روحك واثق
تنعتلهم الاشهار وتقولهم اعتمدت ودرست كل الزوايا ، وانت من قبل تدير دراسة على امورات الاشعارات يعني معرفة سطحية برك
..... وتقدر تعقد معاهم صفقة قال الاشهار تبيعه بعشر ملاين ولا ... هدا ما يكلفهم
ممكن كتر يوصل بعشرين مليون
علاه يدفعوا هاد المبلغ خطاك هوما يشوفو السومة هادي خير من لا يجيبو ممثلين ومعدات وكذا ... يستقاملهم يجيبوا ممثلين ومعدات ...الخ تكلفهم بزاااف... قوليلي رأيكم برك

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]