ليوم نشاركم فكرة عملية لمشروع مربح و تقدر تبداه براس مال صغير بزاف
و كل شيئ راح تقراه من معلومات عن تجربة شخصية مش غير كلام
المهم نبداو : المشروع هو طبع " Autocollant - stickers "
دوك نفهموا غير بالعقل الأمر ساهلباش تصنع هاذو الملصقات تحتاج 3 صوالح ليهوما
1 - papier autocollant باش تطبع عليه و السعر تاع الورقة الوحدة 15دج
2 - برنامج تعديل الصور و لي نقترح عليكم (Photoshop)
3 - طابعة (إذا معندكش وحدة تقدر تطبع فالسيبار ب 30دج)أهم شيئ باش تنجح فهذا المشروع لازملك تفتح حساب أنستغرام و تستهدف أكثرية المراهقين هوما ليحبوا هذوا الملصقات بزاف كاين ليبغي يديرهم فالحاسوب تاعو و لا الهاتف و لا المذكرات إلختقدر تكبر الفكرة و تصبح متجر حقيقي لأنوا الفكرة قبل ماتجيني حوست كامل فالجزائر ملقيتش متاجر تبيعهمالمهم باش نهدروا من لاخر و نهدروا على الفايدةدروك أنتا تصرف 50دج على ورقة و تخرجلك عل الأقل 15 ملصقةو حنا كنا نبيعوا الملصق الواحد ب 20دج
يعني تدي 300دج على كل ورقة و إذا كنت تخدم عشر ورق فالنهار يعني فايدة تاع 3000دج فالنهار براس مال تاع 500دج فقط و مجهود قليلإذا راك مهتم بالفكرة ربي يوفقك توكل على الله و دير تسويق مليح فالأنستغرام و راح تنخلع بعدد الطلبات لراح يوصلوك يعني حنا وصلنا لوحد المرحلة وين ولينا منقبلوش الطلبات لكثرتها و الحمد الله كنا ندخلو دخل محترم كطلاب جامعيين..

#منتديات_خليل_فكرة