مشاريع و أفكار
 
islam
2019-08-05
 
 

نحكيلكم على تجربتي كعامل لمدة 4 اشهر في هاذ المجال
اولا هي خدمة كيما قاع الخدمات تتحمل الربح الوفير او الخسارةكيفاش تقدر تخدم ؟
١- تخدم مع المصانع تاع الي يخدمو ادوات بلاستيكية ( وزين تاع الشمامبوا . المشط . تاع ليجوي تاع دراري صغار . سعيدة . الزيت .الخ....) يجيبولك البلاستيك تاعهم يا اما ديشي يا اما ادوات واجدة ولكن فيها عيب في التصنيع نتا ترحيلو البلاستيك هذاك تديرهولو على شكل حبيبات صغيرة باش يجيه ساهل كي يدوبو و يخدم بيه١- تشري البلاستيك من عند الي يطموه برا (كي تلقا لافار ) ترحيه و تخبيه فشكاير تاع السميد تاع ٢٥ كيلو و تبيعو مرحي و واجد٣- يكونو عندك وسطاء الي يدبرو بلاستيك قديم يرحيوه عندك ويخلصوك بالكيلو و هوما يدبرو ريصانهم يبيعوهالخلاص و السعر كيفاش ؟؟؟
الخلاص بالكيلو غرام الواحد بعد ماترحيه
بكري ف ٢٠١٦ كنا نحسبو فيه من ٦٠دج حتا ل ١٥٠دج علا حساب لا ماتيار تاع البلاستيك pvc . Ep. .... نسيتهم ولكن عمبالي بلي تاع البيفيسي هو الغالي لانو يابس و تقيل و يعييلك الماشينةالماتريال الي تسحقو ؟؟؟
الي ترحي البلاستيك اقل شيئ ٢٠٠مليون يوصلو حتا ٦٠٠ مليون تاع ايطاليا وتكون كبيرة
التقطيع جاية كيما تاع المينويزي طابلة و فيها منشار آلي باش تقطع المورصوات الكبار قبل ماديرهم فالرحيوة
@ الة الي تسبغ الحبيبات المرحية (لأنو كاين زباءن يطلبوها ملونة باش يخدم بيها ديراكت (و يزيدلك دراهم ) (وماشي اساسية لأنو ٧٠% يطلبوها كيما جات يعني بلا سبيغة )
صناعي تاع الوزن الثقيل
palette لجر الاكياس
ère باش تحبط و تطلع الأكياس من و الى شاحنة الزبونبون الماتريال مايديباسيش ٤٠متر مربع
بصح يلزم تخلي مكان قيس ما تخبي السلعة تاعك (المساحة نتا و شحال تخدم ) تقدر تبدا ب حاجة صغيرة قيس ما ترفد روحكالسلبيات :
بون هيا الخدمة كابن مي يلزم نتا تحوس مشتارية باش يولو يعرفوك
ياكلولك راسك بالدين
شفرات تاع الماشبنة يلزم تبدلهم على الاقل كل شهر (تقدر تمضيهم وحدك مي تشري خير )
خدمة متعوبة ولكن فيها دراهم زبل الي كنت نخدم عندهم هو و صحابو الي ف الدومان كل عام وش من بلاد يدورو
يلزم خدامين سيريو لأنها خدمة فيها شوبة تعب تخلصهم اقل شيئ ١٢٠٠دج لليوم كي تكون الخدمة ٢خدامين يكفو واحد يشد الماشينة واحد يشارجي و يديشارجي الشكاير الي يخرجو و مول الشي يوقف و يعاون
و نورمالمو خلاص نتمنا نكون بسطتها بافضل طريقة ممكنة
وكاش ما نسيت سقسوني فكومونتار خاوتي راني هنا
واللهم ارزقنا علما نافعا ينتفع به

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]