مشاريع و أفكار
 
islam
2019-08-05
 
 

سلام عليكم حبيت نمد بعض النصائح لي ستفدت منها من خلال التجارة في حانوت بلرغم ملي كنت صغير و أنا فهاد المهنة المتوارثة بصح عندي تجربة في الاحذية نقسمها الى قواعد :- القاعدة الاولى : منين تسلع حنا عامة نخدمو كل أنواع كلاكات محلية و تع الخارج أولا كاين في باب الزوار يعني بزاف يقصدوه من كل ولاية جيب تع الترك نوعية مليحة كاين فتاجنانت و كاين ف sntp سلعة مليحة لازم تكون ثقة قبل كلش كاين في المدية مصنع ليحب يسلع مليح نبعتو عندو و يتهلى- القاعدة الثانية : كي تكون كاريو بشي ديالك من الاحسن يكون ملكك يعني دير واش حبيت فيه و ننصح أخطيك من الشركة (شركة هلكة) أو بعد على
الديون هي سباب المشاكل
- القاعدة الثالثة : الرزق على ربي ، كاين 4 حوانت واحد قدام خوه و قاع نخدمو الاحذية جامي لاتكسر السوق على خوك أدي الفايدة ديالك ربي يعاونك بصح ماتكسرش .
-القاعدة الرابعة : من حيث تصميم الحانوت أخدمو شباب يجبد المشتاري و كتر الضوء باش تبان السلعة و نقي الحالة مليح يعني كل حاجة فبلاصتها و دير تيكي تع Lprix قادر يدخل عليك الكونترول أو عمر الحانوت بالسلعة لازم يكون عندك راس مال معتبر
- القاعدة الخامسة : لازم تكون رزين و ظريف مع المشتاري تضحك معاه يعني سايسو مليح malgré صح كاين لي يهبلو بصح ساعف هذا مكان و كيما يقولو الشاري عينو حمرة تسما باين لي يشري
- القاعدة السادسة : ماديرش الموسيقى يعني كاين ليديرونجي المشتاري أو ماتخليش صحابك يجمعو قدام باب الحانوت راك حاب تقصر كاين القهوة ،النساء دورك غير يشوفو الرجال على الباب مايدخلوش
-القاعدة السابعة : نصيحة ماديرش خدام ويلا كان كونفيونس ولاكاس نتا شدها يعني متخليهاش
في الاخير حبيت نشارك معاكم هاك النصائح إن شاء الله تستفادو منهم و مازلت نتعلم مع الوقت كاش أسئلة فهاد المجال راني هنا و السلام عليكم

#منتديات_خليل_فكرة

 
 
 

 
 
 
 
يرجى تسجيل الدخول كي تتمكن من الرد
 
 
 
 
 
 
آخر المواضيع
 
آخر المجموعات
world news
هاته المجموعة تطرح مشاريع وأفكار من الواقع و بطرق مبسطة و عن تجارب شخصية ..
مجموعة تهتم بالصيدلة وكل ما يتعلق بها
مجموعة مختصة بالقصص
مجموعة مختصة في طرق الربح من الانترنت
مجموعة تهتم بجميع دروس و ملخصات و امتحانت مع التصحيح لجميع المستويات
تهتم بكل ما يخص الموظفين ونقل الأخبار المتعلقة بهم من مديرية التربية بالجلفة
التحضير لبكالوريا الجزائر شعبة علوم تجريبية
سوق لناس الجلفة لطرح سلعهم بغرض بيعها أو شراء سلعة ما ..
سوق للسطايفية لطرح سلعهم بغرض بيعها أو شراء سلعة ما ..
 
الخصوصية
المواضيع والردود المنشورة في الموقع تعبر عن وجهة نظر أصحابها فقط !
جميع الحقوق محفوظة لمنتديات خليل © 2018
للإتصال بنا :
[email protected]