السلام عليكم ورحمة الله
يالغوالي مين فينا مايحب ورق العنب بس نهرب من التعب
وامس لقيت طريقة صينية ورق عنب او بعضهم يسمونها كيكة ورق العنب
المهم مررريحة والطعم مايفرق عن اللف
جربوها بنات ..
مقادير الحشوة/
كاستين رز مصري مغسول
نص حزمة بقدونس مقطعه ناعم مقدار كفين
نص حزمة كزبرة مقطعه ناعم مقدار كفين
ملعقتين نعناع مقطعه ناعم
٢ طماطم مقطعه
٢ ملعقة صلصة
١ بصل مقطع ناعم
٣ ثوم مهروس او اكثر
ملعقتين اكل دبس رمان
ملعقة صغيرة ملح ليمون
ملح
فنجان قهوة عصير ليمون او حسب رغبتك في الحموضة..
فلفل اخضر حار
ملعقةبهارات + فلفل اسود
فنجان قهوة زيت زيتون
تخلط مع بعض ( ممكن تزودي او تنقصي اي شي حسب طريقتك المعتادة في حشوة ورق العنب)
نفرش بطاطس شرائح في الصينيةونفرش ورق عنب طبقة ونخلي زوايد طالعة من حواف الصينية ونحط نص الحشوة وبعدها طبقةورق عنب
وبعدها باقي الحشوة واخر شي طبقة ورق عنب ونرجع الزوائد عليه
ونسوي تقريبا ٣ كاسات موية حارة مذوب فيها
مكعب ماجي
وملعقة دبس رمان
ونص كاس شاي ليمون
ونص ملعقة صغيرة ملح ليمون
وشوي ملح
وملعقة زيت زيتون
وملعقة صلصة
وفلفل اخضر او اسود او شطة رنا ( اختياري)
ونسكبها على الصينية شوي شوي واذا نقصت الموية عادي زيدي ماء حار لين يغطي ورق العنب بشوي
غطيه بقصدير ودخليه الفرن نارمتوسطة لمدة ساعة وافتحي اذا احتاج اكثر رجعيه مرة ثانية وزودي موية اذا ناقصة لين تشوفين ان الورق ينهرس والحشوة استوت...
وحطيها في الثلاجة اقل شي ربع ساعة او ٢٠ دقيقة
وبالهناء والعافية..
منقول للأمانة ..
